السلام عليكم ،
شرايج تسوين عن أفريقيا و المجاعه اللي قاعد يعانون منها
مع موفي ميكر ..
أنا هذا سويته مع ثنتين من صديقاتي من قبل مرتين و البنات وااايد تأثروا ..
أول شي ما فهموا الموضوع عن شنو لأن أول شي سألناهم شنو وجبتكم المفضلة ؟
و بجم ؟ و من وين ؟؟
بعدين حطينا خريطة أفريقيا من الاجتماعيات و تكلمنا عن موقعها الجغرافي ..
و بعدين قلنا لهم لو قلت لج إن بسعر الوجبة يعيش كذا عدد من الناس (طبعاً حسبناها)
هل راح تتبرعين لهم ؟
الكل وافق و حطينا الموفي فيه صور تعور القلب واايد ..
و أخر شي تكلمت البنت الثالثة عن لجنة مسلمي أفريقيا و المساعدات اللي يقدمونها
و أهم مشاريعهم و وقت عملهم و رقمهم و بعض البيانات عنهم ..
و كان شغال بوربوينت عن صور المشاريع ..
أخر شي وزعنا جيس كنا يايبنه من لجنة مسلمي أفريقيا و حطينا فيه حصالات زيادة..
و سلامتج ..
أتمنى أكون أفدتج ..
~iLfaReSsa.R~